(ABANTE) Ngayong pinalawig na ang deadline sa pagpaparehistro ng SIM card, umaasa si Senador Jinggoy Estrada na maaabot na ang 100 porsiyentong target registration pagkalipas ng tatlong buwan.
“It’s lamentable that only 49.31% of the 168 million subscribers have complied with the law. We’re hoping that in the next 90 days, the 100% target registration will be met,” sabi ni Estrada, co-author at co-sponsor ng SIM Registration Act sa Senado.
Ipinagtataka naman ni Estrada kung bakit mababa ang bilang ng mga tumatalima sa SIM Card Registration Law.
Base umano sa nakalap niyang impormasyon, hindi user-friendly ang proseso sa mga prepaid subscriber samantalang marami rin ang nagrereklamo sa kawalan ng internet connection o pagiging inaccessible ng registration sites na nagiging balakid sa kanilang pagrehistro.
“In the next 90 days, telcos should undertake the necessary actions to make the registration procedure fuss-free. No amount of information dissemination will work if the mobile network carriers will not address the concerns of the general public,” ani Estrada.
“Pundits will always have their say against this law but the majority will agree with me that the benefits of registered SIM outweigh the perceived threats or danger to people’s lives and public order,” dagdag pa niya.
Mula umano nang lagdaan ang batas na ito, nabawasan na ang bilang ng spam o scam text message na natatanggap kada araw ng bawat mobile phone subscriber.
“The purpose of enacting this law is to deter illegal acts aided by SMS technology and help law enforcers track down the perpetrators. Only the privacy of criminals will be compromised by the SIM registration law. Wala nang mangangahas na makapanloko sa text dahil mabibisto sila kapag rehistrado ang SIM,” sabi pa ni Estrada.
Samantala, sinabi naman ni Senate Minority Leader Koko Pimentel na dapat samantalahin ng mga subscriber ang ibinigay na extension sa pagpaparehistro ng SIM card.
“Just follow the timetables in the law. Since extension is allowed then ok. Take advantage of the extension period to announce thru multimedia of the need for legitimate SIM card users to register,” ani Pimentel.
“Then after the extension period, that’s it. We should assume that those registered at the end of the long process are all those SIM cards which want to be used in a legitimate way,” dagdag pa niya. (Dindo Matining)