PRIVILEGE SPEECH
SENATOR JINGGOY EJERCITO ESTRADA
5 SEPTEMBER 2022
Senate of the Philippines
SCRAM SPAM AND SCAM TEXT MESSAGES
With the indulgence of my colleagues in this chamber, I take the floor on a matter of personal and collective privilege.
History has shown how crisis brought about innovation during the global health pandemic and amid several months of lockdowns; we saw how micro, small, and medium-sized enterprises or MSMEs evolved under a new normal that requires a contactless society. our dining out experiences had been replaced by delivery services. health care services are done remotely or via telemedicine, same with meetings which became synonymous with video conferencing while financial transactions are now primarily cashless.
Hindi rin naman nagpahuli ang mga masasamang loob dahil sumabay sila sa pagiging enterprising ng ating mga naghihikahos na mga kababayan at ang pagiging malikhain nila ang nagbunsod sa text scams o spam messages na patuloy na nakapambibiktima hanggang sa ngayon.
The spam and scam text messages on fake online job offers, cash deals and promotions soar to new heights since late last year. Nakakabahala na mabasa na nakalagay na ang pangalan mo sa ipinadalang spam text, kagaya ng natanggap ng isa sa aking staff na nagpapahiwatig na alam ng mga nasa likod nito ang pagkakakilanlan mo base sa iyong gamit na mobile number.
At kahit na araw-araw ang pag delete at block sa mga numerong ito ay mistulang kabute silang dumadami.
Several weeks after the May 9 National and Local elections, a different kind of scam text messages bombarded a number of us lawmakers. at first glance, for us public servants, it would appear to be a typical text message from local officials seeking assistance. but the frequency of receiving this type of message – some of a weekly, worse daily – raised a red flag.
Their calls for financial assistance were already bordering on extortion.
Ginoong Pangulo, napag-alaman ko na kayo mismo ay pinuntirya ng mga indibidwal na nagpakilala bilang Siquijor Governor Jake Vincent villa at Board Member Abner Lomongo. At sa isang entrapment operation ay nadakip ang mga mapanlinlang na mga indibidwal.
I cannot help but notice the apparent similarity in the scheme employed against me by someone who posed as Batanes Vice Governor Ignacio “Nanoy” Villa and a certain Bicol Board Member named Carlo Magno.
Sa mga mensaheng ipinadala ng diumano’y VG Nanoy Villa noong July 7, 9 at 11, nangangalap siya ng pondo para matustusan ang isang “spiritual formation” at “team building” ng mga kawani ng kanilang sangguniang panlalawigan.
Kalakip pa nito ang pakiusap ng pagbibigay ng video greetings ng inyong lingkod para aniya ay sa mga kalahok na aabot sa dalawang daan. At bilang patunay, ipinadala pa niya ang isang video message mula kay PBA Party-list Rep. Margarita Ignacia “Migs” Nograles na aniya’y katuwang sa kanilang isasagawang aktibidad.
Before this incident, I received similar text messages last June 29 and August 3 from someone who claimed to be the lone district Representative of Catanduanes, Congressman Leo Rodriguez.
Sa kabutihang-palad, nag courtesy call sa aking tanggapan si Cong. Rodriguez noong Agosto a-nueve (9) at dito namin kapwa napagtanto na may ibang tao pala na nagpapanggap bilang siya, hindi lamang sa akin, kundi pati na rin sa kanyang mga kasamahan sa mababang kapulungan.
Ginoong Pangulo, may dalawa pang kahalintulad na insidente — ang isa ay nagmula sa isang diumano’y IBP Southern Leyte Chapter President Jovanni Plateros na nanghihingi ng tulong sa ngalan ng mga mag-aaral ng Kinachawa Elementary School ng Munisipalidad ng San Ricardo, Southern Leyte.
Samantalang ang isang nagngangalang Carlo Magno na diumano’y Bicol Board Member ay dumulog rin sa akin para sa isang personal na pinansiyal na pangangailangan.
Nakiusap ito na ipadala ang tulong sa isang “GCash” account na pagmamay-ari ng isang indibidwal.
Mr. President, even before you went public about the modus operandi of those targeting politicians, I have already sought the assistance of the National Bureau of Investigation and the Anti-Cybercrime Group of the Philippine National Police last August 15 to look into this matter and take appropriate action to prevent the perpetrators from victimizing more people.
Nakapanlulumong malaman na ang gamit ko na mobile number para sa aking mga opisyal na gawain ay napasakamay na pala ng mga manloloko at ang higit na nakakabahala ay ang posibilidad na nagpasalin-salin na sa kung kani-kaninong poncio pilato ang isang dapat sana ay pribadong impormasyon.
Based on news reports, many of us senators have been subjected to such a scheme. the spate of incidents is enough to cause alarm among authorities and concerned agencies on the apparent violations of data privacy and a seeming string of fraud and misrepresentations.
Last June 20, Bloomberg reported that PLDT blocked more than 23 million malicious text messages in just three days while the other giant mobile and telecommunications and broadband provider, Globe Telecom, was also reported to have blocked over 138 million spam and scam text messages from January to June this year.
Hindi natatapos ang problema sa pagba-block ng mga numero na gamit ng mga kawatan dahil patuloy lamang sila sa kanilang gawain hangga’t may nagagamit silang mga pre-paid o unregistered na mga numero. The anonymity they’re enjoying is their shield from their accountability in their abusive practices.
At para sa mga scammers na ito na ang modus operandi ay ang magpanggap bilang governor, mayor, congressman at iba pa, mukhang hindi na sila nababahala sa maaring maging kaparusahan na kanilang kakaharapin sa ilalim ng ating batas.
Ginoong Pangulo, maaaring ang pagmamalabis at panlilinlang na ito ng ilan nating kababayan ay hindi pa sakop ng mga umiiral na batas, o maaring may kakulangan pa sa mga polisiya at regulasyon ma mayroon tayo ngayon –
Pero hindi ito balakid sa pagbalangkas ng mga hakbang para punan ang mga kakulangang ito.
That is why, together with some of my colleagues, I have filed Senate Bill No. 802, entitled An Act To Eradicate Mobile Phone-Aided Terrorism And Criminal Activities, Mandating For This Purpose Ownership Registration Of All SIM Cards For Cellular Phones.[1] This proposed measure was first introduced by former Senator Tito Sotto here in the senate many years back.
Layunin natin na mabigyan ng pangalan at katauhan ang mga nasa likod ng panloloko at pagsasamantalang ito na konbinyente nilang naisasagawa dahil hindi nakarehistro ang kanilang numero at hindi rin sila madaling makikilala at matatanto. Napakadali para sa kanila ang gumamit lamang uli ng panibagong numerong hindi nakareshistro, upang makapang target ng mga bagong biktima.
The Philippines, being still the undisputed text capital in the world[2] must take this SIM registration proposed measure into serious consideration, as a means to stop or at least reduce the proliferation of these scamming and fraudulent acts.
Marahil ay panahon na rin na paigtingin pa natin ang ating mga umiiral na polisiya nang sa ganun ay matigil na ang mga spam text messages at mapanagot ang mga taong nasa likod nito.
Gayunpaman ay marapat lamang na ang ating publiko ay maging alerto, maingat at mapagbantay sa mga panlilinlang na ito. It is our primary responsibility to look after ourselves so we don’t fall prey into these fraudulent schemes.
Nakakalungkot isipin na sa panahon na nagpapatuloy ang pandemya, ang pagiging malikhain nating mga pilipino ay ginagamit sa pananamantala ng kapwa ng mga indibidwal na ito, imbes na pagsumikapan ang pagbangon at pag-angat sa sarili sa paraang maipagmamalaki nila. Huwag po nating hayaang umiral at magpatuloy ito. Not under our watch!
Marami pong salamat sa inyong pakikinig at pagpapa-unlak. magandang hapon sa inyong lahat.
[1] https://legacy.senate.gov.ph/lisdata/3851734970!.pdf